जेष्ठ २१, डेस्क। पोखरामा टिप्पर र मोटरसाइकल ठोकिँदा मोटरसाइकलमा सवार एक जनाको मृत्यु भएको छ । भने अर्का एक जना घाइते छन् ।

पोखरा-१३ गौडाको मुखमा ग १ ख ६३९४ नम्बरको टिप्परलाई सोही दिशातर्फ जाँदै गरेको लु ८७ प ९५२० नम्बरको मोटरसाइकलले ओभरटेक गर्दा दुर्घटना भएको ट्राफिक कार्यालय कास्कीले जनाएको छ ।

दुर्घटनामा मोटरसाइकल चालक पोखरा १४ चाउथेका २९ वर्षीय कमल थापा क्षेत्री र स्याङ्जाको अर्जुनचौपारी गाउँपालिका घर भई पोखरा १३ काँहुखोला बस्ने बबिता रिमाल घाइते भएका थिए ।

घाइते रिमालको गण्डकी मेडिकल कलेजमा उपचारको क्रममा मृत्यु भएको ट्राफिक कार्यालयका सूचना अधिकारी मीनबहादुर खड्काले जानकारी दिएका छन्। भने यस घटनाबारे थप अनुसन्धान भईरहेको प्रहरीले बताएका छन्।