|
फाल्गुण ०३, डेस्क। ओखलढुंगामा स्कारपियो दुर्घटना हुदा चालकको घट्नास्थलमै मृत्यु भएको छ । भने ५ जना गम्भीर घाइते भएका छन् ।
मोलुङ गाउँपालिका–५ ओखरबोटस्थित सडकमा प्राप्चाबाट खोलाखर्क तर्फ आयु मोलुङ हाईड्रोपावर कम्पनीको कर्मचारी लिई जाँदै गरेको बा.२० च ४८६२ नम्बरको स्कारपियो गाडी दुर्घटना हुँदा चालक मोरङ घर भएका २६ वर्षीय गणेश रसाईलीको घट्नास्थलमै मृत्यु भएको हो ।
गाडी अनियन्त्रित भई सडकबाट करिब १ सय फिट तल खसेर दुर्घटना भएको प्रहरीको अनुमान रहेको छ । गाडीमा सवार ५ जना घाइते भएका छन् ।
घाइतेमध्ये २ जनाको सामुदायिक मिसन अस्पतालमा उपचारको भइरहेको छ भने ३ जनालाई थप उपचारको लागि काठमाडौँतर्फ रेफर गरिएको हो।
यस दुर्घटनाको बारेमा प्रहरीले थप अनुसन्धान गरिरहेको छ।
