|
मंसिर २०, डेस्क । धनुषामा एकजना मृत फेला परेका छन् ।
धनुषाको सबैला नगरपालिका ९ सतोखरका अन्दाजी ४५ वर्षीय रामशंकर राय आज राति करिब ८ बजे मृत फेला परेका हुन् ।
स्थानीयहरुका अनुसार उनी सबैला नगरपालिका २ स्थित नालामा मृत भेटिएका हुन् ।
इलाका प्रहरी कार्यालय सबैलाको टीम घटनास्थल पुगेर मुचुल्का तयार गरि शवलाई पोस्टमार्टमका लागि प्रादेशिक अस्पताल जनकपुर पठाइएको छ ।
उनको मृत्युको कारण खुलेको छैन ।
घटना बारेमा थप अनुसन्धान भइरहेको प्रहरीले जनाएको छ ।
