जेष्ठ ०२, काठमाडौं । आईसीसी पुरुष क्रिकेट विश्वकप लिग-२ अन्तर्गत त्रिवि अन्तर्राष्ट्रिय क्रिकेट मैदानमा जारी अमेरिकाविरुद्धको एकदिवसीय खेलमा नेपालले उत्कृष्ट सुरुवात गरेको छ।

१९६ रनको लक्ष्य पछ्याउने क्रममा नेपालले पहिलो १० ओभरको पावर प्लेमा कुनै पनि विकेट नगुमाई ५६ रन जोड्दै बलियो जग बसालेको हो।

नेपालका दुवै ओपनर कुशल भुर्तेल र आशिफ शेख क्रिजमा खमिएर खेलिरहेका छन्। आक्रामक रूपमा प्रस्तुत भएका कुशल भुर्तेलले ३६ बलमा ४ चौका र २ छक्काको मद्दतले ३७ रन बनाएका छन्। उनलाई बलियो साथ दिँदै विकेटकिपर ब्याटर आशिफ शेखले २४ बलमा ३ चौका प्रहार गर्दै १९ रन जोडेका छन्।