The Notice Nepal

रवि लामिछाने माथी खोया प्रहार गरेको सन्तोष रानाभाट साधारण तारेखमा रिहा

द नोटिस नेपाल | २०८० पुष १८, बुधबार ००:३५

पुस १८, डेस्क । रास्वपाका सभापति रवि लामिछानेलाई खोया प्रहार गरेको आरोपमा पक्राउ परेका सन्तोष रानाभाट साधारण तारेखमा छुटेका छन्।

केही दिन यता पुस ७ गते पोखरामा रास्वपाको आमसभामा बोल्दै गर्दा रबि लामिछानेमाथि खोया प्रहार भएको थियो।

प्रहरीले उनलाई अभद्र व्यवहारसम्बन्धी मुद्दा दायर गरी अनुसन्धानका लागि १० दिन हिरासतमा राखेको थियो।

जिल्ला प्रशासन कार्यालय कास्कीले मंगलबार (हिजो) रानाभाटलाई साधारण तारेखमा छोड्न आदेश दिएको थियो।

आदेशसँगै रानाभाटलाई हिजै छोडिएको कास्की प्रहरीले जनाएको छ।