|
मंसिर १८,डेस्क । आफ्नै श्रीमतीको हत्या गरेको आरोपमा श्रीमान पक्राउ परेका छन्।
आइतबार राति प्रहरीले धुनिवेशी नगरपालिका-४ जीवनपुर बस्ने २७ वर्षीय रामचन्द्र बयलकोटीलाई पक्राउ गरेको हो।
उनीमाथि २० वर्षीया श्रीमती पवित्रा बयलकोटीको हत्या गरेको आरोप छ।
सोही नगरपालिकाको वडा नम्बर १ डुम्रेचौरस्थित सडकमा पवित्रालाई धारिलो हतियार प्रहार गरी रामचन्द्र भागेका थिए।
इलाका प्रहरी कार्यालय खानीखोला र प्रहरी चौकी जीवनपुरबाट खटिएको टोलीले उनलाई पक्राउ गरेको थियो।
यस सम्बन्धमा प्रहरीले थप अनुसन्धान गरिरहेको छ ।
